Ich bin ein Geschenk Gottes

 

Gott hät mi gschaffe mit allem Drum und Dra,

au mit Dem, won ich am liebschte nöd wett ha!

ER hät mi planet perfekt, einzigartig und speziell,

doch Mängel entdeck ich immer meh und schnell!

 

Warum hät Gott mini Krankheit überseh?

I wett doch au wie alli andere gseh!

Warum dörf ich nöd schön, wie es Model si?

S ’Läbe wär viel spannender und eifacher för mi!

 

Wenn ich in Spiegel luege, gsehn ich nüt Interessants,

oder hät’s irgendwo en innerä Glanz?

Was will mer Gott Wertvolls zeige und säge?

Wie chan ich erfahre und gspüre sin riechä Säge?

 

Isch es inneri Heilig, wo zerscht zellt?

Werd ich drum immer wieder uf d‘ Prob gstellt?

Jo genau, Gott will mer liebevoll bewiese,

dass mis Läbe wertvoll isch genau mit denä Krise!

 

Gott will, dass ich cha anderi Wert i mer finde

und mi im volle Vertraue a IHN binde!

Nur so chan ich lerne aneh und verstoh,

warum ich genau so uf diä Welt bi cho!

 

D‘ Entdeckigsreis a mir, isch wie e Wundertüte,

wo überrascht und mir immer meh tuet bedüte

und dur Gottes Liebi und Gnad chan ich verneh,

dass ich mi als GOTTES GSCHENK dörf gseh!

 

Autorin: Renate Wick

 

 

Zurück zum Team